Sagarraren eta sagardoaren artisauak gara, sagardoak era artisauean egiten ditugu, eta sagarrondoak, gure arbasoek bezala zaintzen ditugu. Urtero, artista gazteei guk uzta berriarekin sentitzen dugun sagarraren inspirazioa bizitzeko aukera eskaintzen diogu. Ezagutu gure proiektuak eta izan gure protagonista berria.
Euskal Herriko Unibertsitatearekin batera antolaturiko lehen SagarArteko sortzaile lehiaketaren irabazlea dugu Maria Altuna. Malus Arbore Cecidit izenpean hiru zeramikazko pieza aurkitzen ditugu pintura ezberdinekin landuak. Garai batean sagardoa egiteko erabiltzen zen upel bateko tauleekin batera aurkeztuak, bere aitonaren pentsamenduak azaltzen ditu. Sagarra, Egurretik Egurrera, Sagar Denborak eta Txertaketak (irudian) obrak ditugu kolekzio honen parte.
Arte Ederretan lizentziatu ondoren bi master ikasi zituen Altunak, bata ikerketan eta bigarrena hezkuntzan. Bi ikasketa hauekin ekipo tekniko zein kreatiboen arteko batasuna lortzen du Maria Altunak, hauek sortzen, interpretatzen eta dinamizatzen ditu eta. Gaur egunean tesi doktoral batean diardu Altunak, sortzaile batek izan ditzazkeen ezaugarri ezberdinak ikertzen: artista/ ikertzailea / hezitzailea.
Astarbe familiaren historian oinarritzen den 5 kuadrotako kolekzioa dugu Arbasoak. 15 belaunaldietako 3 hartzen ditu protagonista bezela Juaristik hiru pertsona hauen historia kontatuz. Familiak zituen argazkietan oinarriturik, naturalki izaera landatarra duten kontakizunei ikuspuntu urbanoa erantsi die artistak. Arbasoak: Manuel Astarbe irudian; Arbasoak: Isabel Makuso; Arbasoak: Loraldia; Arbasoak: Mendiola Lorea eta Arbasoak: Astarbe Lorea koadroek osatzen dute Arbasoak kolekzioa.
Udane Juaristik (Udatxo) Arte Ederrak ikasi zituen Euskal Herriko Unibertsitatean eta, orduztik, sorkuntza artistikoan murgildurik egon da. Naturaz inguraturik dagoen Azkoitiako auzo bateko tailerretik, berezko estilo urbanoa garatu du Juaristik. Formatu ezberdinetan aurkeztu izan ditu bere sorkuntzak, bai kuadro formatuan, muraletan edo street artean. Hauek garatzerako orduan bestetik, teknika ezberdinak erabili izan ditu, collage eta akrilikoa nabarmenduz.
Vikingoen jainkosa, Aitor Zarzuelok sagarrak Europan duen kondaira bat hartzen du kontakizunaren erdigune bezala. Betiereko gazte ziren Vikingoak Idunn jainkosak zituen urrezko sagarrak jateagatik. Natura eta hiria, garbitasuna eta kaosa irudikatzen ditu Zarzuelok bere laburmetraia honekin.
Laburmetraila ikusteko: https://vimeo.com/319543786
Mondragon Unibertsitatean Ikus-entzunezko komunikazio graduko ikasketak burutzen ari zela, Aito Arregi (Handia) eta Andrés Gostín zinegileak ezagutu ondoren, zinearen munduarekiko interes berezi bat sortzen da bere barruan. Esperientzia honetatik abiatuz, zine zein argazkilaritza zuzendari bezala formatzen hasten da laburmetraia, bideoklip, dokumental zein bideo arte pieza ezberdinak sortuz. 2015. urtean gazteek sorturiko Laburmetraia Onenaren saria jasoko du 38. Euskal Zinegileen Bileran zuzenduriko Maitaleak laburmetraiarekin.
Sagarra munduko kultura ezberdinetan aurkitzen den fruitua dugu. Obra honen bitartez, Paul Lataburu ilustratzaileak sagarraren historia azaltzen digu kultura horietan aurkitzen diren mitoak erabiliz. Era berean, euskal sagardoak izan duen eboluzioari keinu txiki bat egiten dio esposizioa honetan zentratuz. Ezagutu obra guztia hemen.
Diseinatzaile donostiarra (1982), inguruan aurkitzen ditugun ezaugarriak miatuz eta ezagutzak nire kabuz berenganatuz, berezko estiloa sortu dut, era natural, pertsonal eta etengabeko aldaera batean. Gustatzen zaizkidan gauzak egiteko aukera izateko zortea izan dut, etengabeko ezagutza eta eboluzio prozesu baten parte naiz eta sortzen ditudan artelan guztiak, Arteuparte Studio-tik abiatzen dira, gure berezko estudio grafikoa.
Familiaren baloreak adieraztera ematen dituen obra. Zizelkaturiko sagarrondo honetan, guztia sustraietan hasten da, sagarrera bideratuz eta baserrian fruitua gure edarian eraldatuz. Baserritik sagardoa mundura zabaltzen da, botilek, egungo sagardoa adierazten dute eta mezuaren edukiontziak dira. Adarrek, baleek eta txalupek, gure arbasoek eginiko bideak dira, sagardoa mundura zabaldu zuten irudia adieraziz. Euskal balezaleei omenaldi txiki bate egiten amaitzen du obra Villlanuevak.
Iñaki Villanueva Ortega 1981ean jaio zen Iruñean. 13 urterekin egurra lantzen modu autodidaktan hasi zen. 2004-2006 urte bitartean eskultura ikasi zuen Iruñeko Arte Eskolan. 2006an, gainera, Koke Ardaiz-en tailerrean praktikak egin zituen. 2007an, Leonardo beka jaso zuen, Florentziara (Italia) joateko aukera eman ziona. Han, praktikak “Bartolozzi e Maioliren” tailerrean burutzen zituelarik. 2008an eskultura lanbide moduan hartzen du, Berriozarko Udalak 1000. urtemugako ospakizunerako Alde Zaharrerako monolito bat egiteko aukera ematen dionean. Egurraz gain, harria, burnia eta moldeekin ere lanak egiten ditu. Aristregin tailerra (Villanuevartea) badu ere berriozartarra da. Horretaz gain, urte batez jauregi bat eta bestelako eraikinak hargin gisa zaharberritu zituen. 2013 urte amaieran bere tailerra guztiz moldatzen du.
